Xiaomi Mi 6: yangi smartfon taqdim etiladigan sana ma’lum bo‘ldi

Anzhuo insayder resursi Xiaomi’ning navbatdagi taqdimotiga taklifnoma slaydini chop etdi, deb yozadi “Hi-tech.mail.ru”. Unda Xiaomi Mi6 namoyish qilinishi kerak.

Foto: “Hi-tech.mail.ru”

Rasm maksimal darajada lo‘nda bo‘lib, yangi smartfonning xususiyatlari yoki dizayniga aloqador ishoralar yo‘q. Biroq taqdimot sanasi mavjud — 2017-yil 14-fevral. Bundan tashqari, taklifnomada katta 6 raqamini ko‘rish mumkin: bu taqdimotda aynan Xiaomi Mi6 namoyish etilishiga ishora qiladi.
Avvalroq insayderlar Xiaomi Mi6 Snapdragon 835 protsessori bazasidagi birinchi smartfonga aylanishini ma’lum qilgan edi. Smartfon bir necha xil versiyalarda chiqishi mumkin. Ular bir-biridan chipsetlari bilan farqlanadi: Snapdragon 835’dan tashqari, Pinecone va Helio X30’dan ham foydalaniladi.
Qurilma 6 gigabaytgacha tezkor va 64 Gb doimiy xotira, 20 megapikselli asosiy va 12 megapikselli old kamera, 5,2 dyuymli ekran, 4000 mA/soat sig‘imli akkumulyatorga ega bo‘lishi taxmin qilinmoqda.
Smartfonning chiqarilishi haqida iyuldayoq xabar qilingan edi. O‘shanda uning narxi 500 dollar atrofida bo‘lishi aytilgan edi.
Batafsil | Подробно | Read more... Daryo