Misr sudi Al Jazeera’ga mahalliy jurnalist materiallaridan ruxsatsiz foydalangani uchun 270 ming dollar tovon to‘lash majburiyatini yukladi

Misr sudi Qatarning Al Jazeera telekompaniyasiga materiallaridan uzoq vaqt davomida ruxsatsiz foydalangani uchun mahalliy jurnalistga 5 million Misr funti (270 ming dollar atrofida) to‘lash majburiyatini yukladi. Bu haqda “TASS” xabar bermoqda .

Foto: Al Jazeera

Qohiradagi iqtisodiy mojarolar bo‘yicha sud jurnalistning da’vosini qisman qondirdi. U aslida bundan ikki barobar ko‘p — 10 million funt talab qilgandi.
Sud materiallarida Al Jazeera jurnalist shaxsiy arxividagi, jumladan, Afg‘onistondagi urush va “Al-Qoida” sobiq yetakchisi Usoma bin Lodin haqidagi foto va videomanbalarni muallif roziligisiz tarqatib kelgani qayd etilgan.
Da’vogarga ko‘ra, telekanal uning ruxsatisiz o‘z reportajlarida yuzlab marotaba foto va videolavhalaridan foydalangan hamda boshqa OAVlarga sotgan.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo