AQSh IShIDga qarshi Suriyada yangi front ochmoqchi

IShIDga qarshi kurash olib borayotgan AQSh boshchiligidagi xalqaro koalitsiya terrorchilarning deyarli poytaxtiga aylanib ulgurgan Rakka shahri ustidan nazorat o‘rnatish uchun Suriya shimoli-sharqida yangi front ochishga tayyorgarlik ko‘rmoqda. Bu haqda The New York Times gazetasi Amerika hukumati va harbiy doiralaridagi manbalarga tayanib yozmoqda, deb xabar beradi “Yevropeyskaya pravda”.

Foto: The New York Times

Nashrning yozishicha, o‘tgan hafta AQSh prezidenti Barak Obama Pentagonga Suriya muxolifatini o‘q-dori va ayrim qurollar bilan bevosita ta’minlashga ruxsat bergan, shuningdek, Turkiyadagi aviabazadan IShID pozitsiyalariga havo zarbalari sonini ko‘paytirish g‘oyasini qo‘llab-quvvatlagan.
Mazkur choralar bir tomondan IShIDga qarshi kurashayotgan 5 mingdan ziyod muxolifat jangchilarining imkoniyatini oshirsa, ikkinchi tomondan Suriya muxolifatiga Turkiya bilan chegaradosh hududlar ustidan nazorat o‘rnatishga imkon beradi. Bu IShIDning muhim ta’minot yo‘llarini to‘sishga xizmat qiladi.
Batafsil | Подробно | Read more... Daryo