Davlat statistika organlarida korrupsiyaga qarshi kurashish masalalari bo‘yicha so‘rovnoma o‘tkazilmoqda

Davlat statistika qo‘mitasi 20–30-dekabr kunlari statistika organlarida korrupsiyaga qarshi monitoring doirasida o‘tkazilayotgan kuzatuvlarda ishtirok etishga taklif etadi. Bu haqdagi e’lon qo‘mita saytida chop etildi .

Foto: “Gazeta.uz”

Monitoring o‘tkazishdan maqsad — korrupsiya holatlarining o‘ziga xos xususiyatlarini aniqlash va uning natijalari bo‘yicha davlat statistika organlarida korrupsiya darajasini pasaytirish usullarini izlash.
“Sizning mazkur so‘rovnoma savollariga bergan javoblaringiz yordamida aniq va to‘liq ma’lumot olishga, uni tahlil qilib to‘g‘ri xulosa chiqarishga umid qilamiz. Shuning uchun Sizdan savollarimizga yuqori saviyada vijdonan va samimiy javob berishingizni so‘raymiz”, — deyiladi xabarda.
So‘rovnomaning anonimligi, respondentning shaxsiga oid ma’lumotlar hech qayerda ko‘rsatilmasligi va savollarga berilgan javoblar faqat umumlashtirilgan holda ishlatilishi, shuningdek, javoblar egasiga yoki boshqaga qarshi ishlatilishiga aslo yo‘l qo‘yilmasligi kafolatlanadi.
So‘rovnoma sahifasiga quyidagi havola orqali o‘tish mumkin.
Batafsil | Подробно | Read more... Daryo