“Vostochniy” kosmodromini qarzlari tufayli chiroqsiz qoldirish bilan qo‘rqitishdi

Energetiklar “Vostochniy” kosmodromi qurilishi bilan shug‘ulannadigan “Dalspetsstroy” kompaniyasiga elektr energiyasi yetkazib beruvchilar oldidagi millionlab rubllik qarzlari uchun elektrni o‘chirib qo‘yish bilan tahdid qildi, deb yozadi TJournal.

Foto: TJournal

Bugungi kungacha “Dalspetsstroy” elektr energiyasi uchun 17 million rubl qarz bo‘lib qolgan.
“Iste’molchi tomonidan muammoli vaziyatni yechish uchun choralar ko‘rilmayotgani uchun, ‘DEK’ (Uzoq Sharq energetika kompaniyasi) 2017-yil 9-yanvarda cheklov sanksiyalarini kuchaytirishni rejalashtirdi, ular kosmodrom qurilishi obyektlariga tegishli bo‘lishi mumkin”, — deya ma’lum qildi “Amurenergosbit” kompaniyasi matbuot xizmati.
Ular 15-dekabrdayoq quruvchini elektr energiyasi yetkazib berishni cheklashi haqida ogohlantirgan, ammo baribir to‘lov amalga oshirilmagan.
“Energiya kompaniyasi ‘Dalspetsstroy’ va ‘Roskosmos’ rahbariyati dekabrning qolgan kunlarida hisob-kitoblarni amalga oshirish imkonini topadi va ko‘ngilsiz oqibatlar kelib chiqmaydi, deb umid qiladi”, — deyiladi “Amurenergosbit” xabarida.
Batafsil | Подробно | Read more... Daryo