22 ta gol bilan O‘zbekiston to‘purari bo‘lgan Temurxo‘ja Abduxoliqov “Lokomotiv” klubi bilan yana 1 yillik shartnoma tuzdi

Futbol bo‘yicha O‘zbekiston Oliy Ligasining 2016-yilgi mavsumini 22 ta gol bilan to‘purar sifatida yakunlagan Temurxo‘ja Abduxoliqov faoliyatini “Lokomotiv” safida davom ettiradi.

Foto: “Lokomotiv”

“Championat.asia” nashrining ma’lumot berishicha , Abduxoliqov “temiryo‘lchilar” bilan 1 yillik shartnomaga imzo chekkan. U jamoasining Osiyo Chempionlar Ligasidagi yurishida yordam beradi.
Avvalroq Temurxo‘ja Abduxoliqov bilan Malayziyaning “T-Tim” klubi qiziqayotgani xabar qilingandi . Hujumchi “Lokomotiv” bilan kelishuvga erishgach esa, uning Malayziyaga bormasligi aniq bo‘ldi.
Faoliyati davomida Abduxoliqov Toshkentning “Paxtakor”, Xorvatiyaning “Xayduk Split” klublari safida to‘p surgan. “Lokomotiv” safiga 2015-yilda kelib qo‘shilib, birinchi mavsumdagi 21 ta o‘yinida 8 ta gol urishga erishgandi.
Batafsil | Подробно | Read more... Daryo