Yiliga 100 million yevro: Messi va Ibrahimovichdan keyin xitoyliklar Krishtianu Ronalduga ham taklif bilan chiqdi

“Real” hujumchisi Krishtianu Ronalduning agenti Jorje Mendesh uning mijoziga Xitoydan taklif bo‘lganini aytdi, deb xabar bermoqda “Chempionat”. Xitoyliklar 31 yoshli futbolchining transferi uchun 300 million, uning o‘ziga esa yiliga 100 million yevro maosh taklif qildi.

Foto: Getty

Lekin pul asosiysi emas. ‘Real’ – bu uning hayoti.
Jorje Mendesh, futbol agenti
Qayd etish joiz, to‘rt karra “Oltin to‘p” sohibi Ronaldu noyabr oyida madridliklar bilan kelishuvi muddatini 2021-yilgacha uzaytirgandi . Uning yillik maoshi 20 million yevro qilib belgilangan.
Avvalroq Xitoy klublaridan biri “Barselona” yetakchisi Lionel Messiga soliqlardan tashqari yiliga sof 100 million yevro va’da qilgandi .

Foto: EPA

Messidan keyin esa Xitoy hukumatining o‘zi Zlatan Ibrahimovichga yiliga 120 million yevro taklif qilgani haqida xabar berilgandi .

Foto: EPA

Taqqoslash uchun, jahonning eng serdaromad futbolchisiga aylangan Karlos Tevesning yillik maoshi 38 million yevroni tashkil etadi.

Foto: Sky Sports

Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo