Tennischi Serena Uilyams Reddit asoschisi bilan unashtirilgani haqida Reddit’da she’r yozdi

Dunyoning ikkinchi raketkasi, amerikalik Serena Uilyams AQShda ommabop bo‘lgan Reddit sayti asoschilaridan biri – Aleksis Oganyan bilan unashtirilgani haqida ma’lum qildi, deb xabar bermoqda Meduza.

Foto: NDTV

35 yoshli tennischi 33 yoshli Oganyan bilan Rim shahrida tasodifan tanishgani haqida she’r yozdi. Keyin Aleksis Serenani yana Rimga taklif qildi va u yerda uning qo‘lini so‘radi. Tennischi bunga rozilik berdi.
Serena Uilyams o‘z she’rini Reddit’ning r/isaidyes – foydalanuvchilar unashtirilish tarixi haqida ma’lumot bilan o‘rtoqlashadigan bo‘limida e’lon qildi. Uilyams va Oganyan 2015-yilda uchrashishni boshlagan, ammo o‘z munosabatlarini yashirishga harakat qilgandi.

Foto: NDTV

Ma’lumot uchun, Serena Uilyams tennis tarixidagi eng yaxshi tennischilardan biri sananadi. U “Katta dubulg‘a” turkumiga kiruvchi turnirlarning 22 tasida g‘alaba qozongan.
Aleksis Oganyan 2005-yilda Stiv Xaffman bilan Reddit saytiga asos solgan. Reddit – internetdagi eng ommabop saytlardan biri bo‘lib, uning auditoriyasi 230 million kishini tashkil etadi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo