Buyuk Britaniyada iqlim o‘zgarishi tufayli kapalaklar va arilar adadi qisqarib ketdi

Yil davomidagi beqaror ob-havo Buyuk Britaniya hududida kapalak va tukli arilar populyatsiyasining qisqarib ketishiga olib keldi. Bu Buyuk Britaniya milliy jamg‘armasining yillik hisobotida ma’lum qilindi, deb xabar beradi “Interfaks”.

Foto: “Interesting-Information.ru”

Qishning yengil kelishi, yozda esa ob-havoning yomon bo‘lishi o‘tning gurkirab o‘sishiga olib keldi, bu esa fermerlarni xursand qilayotgan edi. Ammo o‘t-o‘lan dala o‘simliklariga zarar keltirdi, u o‘simliklarga esa ko‘pgina hasharotlar, shu jumladan, kapalaklar va tukli arilar bog‘liq. Hisobot mualliflarining bildirishicha, tabiatni qo‘riqlash tashkilotlari va fermer xo‘jaliklari birga ishlashi va bir-birining manfaatlarini inobatga olishi lozim.
Mamlakatning ayrim hududlarida o‘simlik va hayvonot dunyosiga jiddiy zarar yetdi. Jumladan, Somerset grafligidagi Layt Keri dala hovlisida o‘tkazilgan kuzatuvlarga qaraganda, u yerda tukli arilar soni o‘tgan yilgiga nisbatan 85 foizga qisqardi.
Batafsil | Подробно | Read more... Daryo