Foto: 2016-yilda faoliyatini yakunlagan mashhur sportchilar

Yakuniga yetayotgan 2016-yilda bir qator mashhur sportchilar o‘z karyerasini yakunladi. “Daryo” 2016-yilda faoliyatini yakunlagan ana shunday sportchilarni yodga oldi.
Maykl Felps, 31 yosh

Foto: Sports Illustrated

Olimpiya o‘yinlari tarixidagi eng yaxshi sportchi – amerikalik suzuvchi Maykl Felps Rio–2016 Olimpiadasidan so‘ng faoliyatini yakunladi. Sindey–2000, Afina–2004, Pekin–2008, London–2012 va Rio–2016 Olimpiya o‘yinlarida ishtirok etgan Felps 23 karra Olimpiada chempioni hamda 3 karra kumush va 2 karra bronza medali sohibi sanaladi.
Ruslan Chagayev, 38 yosh

Foto: AFP

Butunjahon boks assotsiatsiyasi (WBA) versiyasi bo‘yicha superog‘ir vazn toifasida sobiq jahon chempioni, o‘zbekistonlik Ruslan Chagayev ko‘zidagi muammo sababli faoliyatini yakunladi .
Kobi Brayant, 38 yosh

Foto: Bleacher Report

1996-yili NBA’ning “Los-Anjeles Leykers” basketbol klubi a’zosiga aylangan Kobi Brayant faoliyatining so‘nggi kuniga qadar o‘z jamoasiga sodiq qoldi. “Qora Mamba” laqabini olgan basketbolchi “Leykers”ning afsonasiga aylangan. Ko‘plab jarohatlari tufayli u karyerasini tugatishga qaror qildi. Kobi 5 karra (2000, 2001, 2002, 2009, 2010-yillar) NBA chempioni va 2008-yilning eng foydali o‘yinchisi bo‘lgan.
Kevin Garnett, 40 yosh

Foto: Getty

Basktebolning yana bir yorqin namoyandalaridan biri – Kevin Garnett 21 mavsum davomida NBA parketlarida o‘ynadi. 1995–2007-yillar davomida “Minnesota Timbervulfs” bilan chempion bo‘la olmagan Garnett 2008-yili “Boston”ga o‘tadi va jamoa bilan NBA chempioniga aylanadi. Faxriy bastketbolchi o‘z faoliyatini birinchi klubi – “Minnesota Timbervulfs”da tugatdi.
Diyego Milito, 37 yosh

Foto: Panamerican World

“Maydondagi Stallone” nomini olgan argentinalik futbolchi faoliyatini 1999-yili mahalliy “Rasing” klubida boshlagan.

Milito va Stallone. Foto: Memedroid

Karyerasi davomida u “Jenoa”, “Saragosa” va “Inter” klublarida to‘p surgan. Faoliyatining so‘nggi yillarini u jonajon “Rasing” klubida o‘tkazdi.
Misha Teyt, 30 yosh

Foto: Sports Illustrated

Dunyoning eng chiroyli ayol jangchilaridan biri – Aralash janglar san’ati (MMA) vakilasi Misha Teyt Rakel Penningtondan yengilgach faoliyatiga yakun yasadi .
Stiven Jerrard, 36 yosh

Foto: Sky Sports

17 yil davomida Angliyaning “Liverpul” futbol klubi sharafini himoya qilgan Stiven Jerrad tom ma’noda ushbu klubning afsonasiga aylandi. 2015-yilda u AQShning “Los-Anjeles Gelaksi” klubiga kelib, 1 yil o‘tgach faoliyatini tugatganini e’lon qildi . Bir qator sovrinlarga ega chiqqan Stiven Jerrardga Angliya chempioni bo‘lish nasib qilmagandi.
Niko Rosberg, 31 yosh

Foto: Getty

Mercedes jamoasi poygachisi germaniyalik Niko Rosberg 2016-yilda faoliyatida ilk bor “Formula-1” chempioni bo‘lib , faoliyatini tugatishga qaror qildi.
Asror Aliqulov, 38 yosh

Foto: “Championat.asia”

O‘zbekiston chempionati va kubogida 5 martadan g‘olib chiqqan futbolchi Asror Aliqulov dekabr oyi boshida faoliyatini yakunlagani ma’lum bo‘lgandi.
Ana Ivanovich, 29 yosh

Foto: Getty

Germnaiyalik futbolchi Bastian Shvaynshtaygerning turmush o‘rtog‘i – serbiyalik tennischi Ana Ivanovich tez-tez jarohat olishi sabab faoliyatiga nuqta qo‘yishga qaror qildi .
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo