Oxirgi o‘rinda — Ozodbek Nazarbekov: 2016-yilning eng qimmat konsert dasturlari

Toshkentdagi “Istiqlol” san’at saroyi 2016-yilda ham ko‘plab konsert dasturlariga mezbonlik qildi. Jurnalist Feruz Muhammad san’at saroyidagi chiptalarning kassa narxlari asosida yilning eng qimmat konsertlari reytingini tuzdi.
5-o‘rin. Ozodbek Nazarbekovning konserti

Foto: “Daryo”

Kelasi yili konsert bermasligini e’lon qilgan O‘zbekiston xalq artistining 2016-yilgi dasturi 10—20-aprel kunlari, “Mehring sabab” nomi bilan bo‘lib o‘tdi. Konsertning kassadagi eng arzon chiptasi 15 ming so‘mdan, eng qimmati esa 140 ming so‘mdan sotildi.
4-o‘rin. Botir Qodirovning konserti

Foto: “Daryo”

Xonanda Botir Qodirovning 1—6-noyabr kunlari bo‘lib o‘tgan konserti chiptalari quyidagicha narxlarda sotildi: eng arzon chipta — 10 ming so‘m, eng qimmati — 150 ming so‘m.
3-o‘rin. Lolaning konserti; Rayhonning konserti; “Mening Toshkentim” myuzikli

Foto: MyDay

23—27-fevral kunlari bo‘lib o‘tgan Rayhonning yakkaxon konserti chiptalari 30 ming so‘mdan boshlanib, 180 ming so‘mgacha bo‘lgan narxda sotildi.
Bosh rollarini mashhur aktyorlar va estrada xonandalari ijro etgan va 24-sentabr kuni qo‘yilgan “Mening Toshkentim” myuzikli chiptalari 8 ming — 180 ming so‘m oralig‘ida sotuvga chiqarildi.

Foto: “Daryo”

Xonanda Lolaning 21—23-noyabr kunlari bo‘lib o‘tgan va sahnada 2016-yilning jahon bo‘yicha eng yaxshi bokschisi Hasanboy Do‘stmatov ham chiqish qilgan konsertiga eng arzon chiptalar 25 ming so‘mdan, qimmati esa 180 ming so‘mgacha narxda sotildi.
2-o‘rin. Jahongir Otajonovning konserti; Shahzodaning konserti

Foto: “Daryo”

Xonanda Shahzodaning 1—7-may kunlari bo‘lib o‘tgan konsert dasturi uchun eng arzon chipta narxi 15 ming so‘m, eng qimmati esa 200 ming so‘m bo‘ldi.

Foto: “Daryo”

Jahongir Otajonovning 28—29-oktabr kunlari tashkil etilgan jonli ijrodagi konsertining eng arzon chiptasi — 10 ming so‘m, eng qimmati esa 200 ming so‘mdan sotildi.
1-o‘rin. Valeriy Meladzening konserti; Irina Allegrovaning konserti
Rossiyalik xonandalar ishtirokidagi konsertlar “Istiqlol”da 2016-yilda tashkil etilgan tomosha tadbirlari orasida chiptasi eng qimmatlari bo‘ldi.

Foto: MyDay

Valeriy Meladze faqat bir kun — 1-oktabrda jonli ijroda konsert dasturini taqdim etdi. Dasturning eng arzon chiptasi 100 ming, eng qimmati esa 1,2 million so‘mdan sotildi.

Foto: MyDay

12-dekabr kuni rossiyalik boshqa xonanda — Irina Allegrova konsert berdi. Uning konsertida ham eng arzon chipta 100 ming, eng qimmati esa 1,2 million so‘mdan sotuvga chiqarildi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo