2016-yilda farzandli va nevarali bo‘lgan o‘zbek shou-biznesi vakillari

2016-yilda farzandli va nevarali bo‘lgan o‘zbekistonlik mashhur san’atkorlar orasida birinchi marta otalik baxtiga erishganlar, oltinchi marta bobo bo‘lganlar, farzandi Hazil kunida tug‘ilgan va farzandining tavallud kuni onasinining tug‘ilgan kuniga to‘g‘ri kelib qolganlar ham bor.
Xonanda Jo‘rabek
Xonanda va aktyor Jo‘rabek 1-aprel kuni o‘g‘il farzandli bo‘ldi.
Xonanda Sevara Nazarxon

Foto: Instagram

Sevara Nazarxon 27-aprel kuni qiz farzandli bo‘ldi. U o‘z qiziga Iman Anvar deb ism qo‘ydi. Bu xonandaning ikkinchi farzandi bo‘lib, uning Deniz ismli o‘g‘li ham bor.
Aktrisa Rayhon Ulasenova

Foto: Instagram

Bu yil Rayhon Ulasenova qiz farzandli bo‘ldi. Aktrisaning qizi 26-iyun kuni dunyoga keldi. Bungacha u bir o‘g‘il va bir qizning sevimli onasi edi.
Gulchehra Eshonqulova va Sharof Sharapov

Foto: Instagram

Aktrisa Gulchehra Eshonqulova (Guli Sharapova) va Sharof Sharapov 15-iyul kuni o‘g‘il farzandli bo‘ldi. Ularning farzandi Turkiyaning Istanbul shahrida dunyoga keldi.
Aktyor Ulug‘bek Qodirov
Aktyor Ulug‘bek Qodirovning hayotida 21-iyul qo‘shaloq quvonlchi kun sifatida nishonlanadigan bo‘ldi. Sababi — bu kunda aktyorning onasi tavallud topgan, 2016-yili esa o‘g‘li ham shu kunda dunyoga keldi.
Rejissor Akbar Bekturdiyev
Rejissor Akbar Bekturdiyev 22-iyul kuni qiz farzandli bo‘ldi. Rejissor qiziga Sabriya deb ism qo‘ydi. Rejissorning to‘ng‘ich qizi Soliha uch yoshda.
Xonanda Sardor Mamadaliyev

Foto: Instagram

Sardor Mamadaliyev 9-avgust kuni o‘g‘il farzandli bo‘ldi. Xonanda to‘ng‘ich farzandiga Temurbek deb ism qo‘ydi.
Xonanda Ruxshona

Foto: Instagram

Rejissor va klipmeykr Sanjar Matkarimovning turmush o‘rtog‘i hisoblangan xonanda Ruxshona 20-avgust kuni ikkinchi bor onalik baxtiga muyassar bo‘ldi. Qizi Habibaxondan keyin tug‘ilgan farzandiga juftlik Shukrbek deb ism qo‘ydi.
Oybek va Nigora

Foto: Instagram

2015-yilning eng shov-shuvli to‘yi sababchilari hisoblangan Oybek va Nigora 2016-yilning 27-avgust kuni ota-ona bo‘ldi — ular o‘g‘il farzandiga Imron deb ism qo‘ydi.
Xonanda Umar Shamsiyev
Xonanda Umar Shamsiyev 5-oktabr kuni qiz farzandli bo‘lganini ma’lum qildi. Bu uning uchinchi farzandi — xonanda 2008-yili oila qurgan bo‘lib, uning 6 yoshli Usmonjon va 3 yoshli Imronshoh ismli o‘g‘il farzandlari ham bor.
Aktyor Akbarxo‘ja Rasulov
2015-yilning 12-oktabr kuni oila qurgan aktyor Akbarxo‘ja Rasulov 14-iyul kuni qiz farzandli bo‘ldi. Ular o‘z farzandiga Xumayra deb ism qo‘ydi.
Xonanda Anvar Sobirov
16-noyabr kuni xonanda Sobirov qiz farzandli bo‘ldi. Xonanda o‘z qiziga Asal deb ism berdi.
“VIA Sharq” xonandalari Sarvar va Tatyana

Foto: Instagram

27-noyabr kuni “VIA Sharq” dueti Sarvar va Tatyana ota-onalik baxtiga muyassar bo‘ldi.
Qiziqchi Obid Asomov

Foto: Instagram

2016-yilning, katta ehtimol bilan, noyabr oyida Obid Asomov qizi Nargiz ikki o‘g‘ildan so‘ng qiz farzand ko‘rganini ma’lum qildi. Bu — Obid Asomovning oltinchi nabirasidir.
Shohrux reper

Foto: Twitter / @shoxruxofficial

Ayoli homilador ekani muddatidan avvalgi O‘zbekiston Prezidenti saylovi kuni ma’lum bo‘lgan Shohrux reper 2017-yil arafasida qiz farzandli bo‘ldi — bu haqda 16-dekabr kuni ma’lum qilindi. Bu uning ikkinchi farzandi — xonandaning Islom ismli ikki yarim yashar o‘g‘li ham bor.
Xonanda Ulug‘bek Rahmatullayev
30-dekabr kuni Ulug‘bek Rahmatullayev o‘g‘il farzandli bo‘ldi. 5 yoshli Fayzulloh va 3 yoshli Farzona ismli farzandlari bor xonanda uchinchi bor otalik baxtiga musharraf bo‘ldi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo