Xitoyda sog‘liq uchun zararli oziq-ovqat qo‘shimchalarini ishlab chiqarish tarmog‘i fosh qilindi

Xitoy politsiyasi markaziy Xunan provinsiyasida sog‘liq uchun zararli bo‘lgan oziq-ovqat qo‘shimchalarini ishlab chiqarish va sotish tarmog‘ini fosh qildi, deya xabar bermoqda “TASS” provinsiya ma’muriy markazi Chansha shahar politsiyasiga tayanib. Ushbu ish bo‘yicha to‘rt nafar gumonlanuvchi hibsga olindi.

Foto: “Day.az”

Tartib posbonlari jinoyatchilardan 21 ming quti oziq-ovqat qo‘shimchalarini musodara qildi, shuningdek, xavfli mahsulotlar ishlab chiqariladigan va sotiladigan 310 ta do‘konni muhrladi. Politsiya ma’lumotlariga ko‘ra, noqonuniy preparatlarni sotish tarmog‘i provinsiyaning 14 ta shahrini qamrab olgan.
Jinoyatchilar preparatlarni tegishli sertifikatlarga ega bo‘lmagan holda o‘nlab turli brendlar ostida ishlab chiqarish bilan shug‘ullangan. Mahsulotlar tahlili sotilgan preparatlar tarkibida Xitoyda taqiqlangan sildenafil borligini ko‘rsatdi. Ushbu dori vositasi butun dunyoda Viagra markasi ostida taniqlidir.
Batafsil | Подробно | Read more... Daryo