Isroil supermarketlarida bir martalik polietilen paketlarni pulga sotish boshlandi

Isroil supermarketlarida bir martalik polietilen paket pulli bo‘ldi: endi u uchun 10 agor (shekelning o‘ndan biri, 3 sent atrofida) to‘lashga to‘g‘ri keladi. Bundan tushgan barcha mablag‘ mamlakat ekologiya vazirligi qoshidagi atrof-muhitni tozalash fondiga o‘tkaziladi, deya xabar beradi “TASS”.

Foto: “Strana.co.il”

2016-yil martida Isroil parlamenti — knesset bir martalik plastik paket uchun majburiy yig‘im haqidagi qonunni imzolagandi. Savdo tarmoqlari yangi qoidalar asosida ishlashga tayyorgarlik ko‘rishi uchun u 2017-yil 1-yanvardan kuchga kirishi belgilab qo‘yildi.
Atrof-muhit himoyasiga qaratilgan yangi qonun 20 mikrondan ingichka, past sifatli paketlardan foydalanish va ko‘p marotaba ishlatiladigan paketlarni tarqatishni ham taqiqlaydi.
Ma’lumot uchun, yil davomida isroilliklar 2,5 milliard dona bir martalik plastik paket ishlatadi, ularning 60 foizi savdo tarmoqlarida beriladi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo