Obama 10-yanvarda xalqqa xayrlashuv murojaati bilan chiqish qilmoqchi

AQSh prezidenti lavozimini tark etayotgan Barak Obama kelasi hafta Illinoys shtatining Chikago shahrida turib, xalqqa xayrlashuv murojaati bilan chiqishi mumkin, deb yozadi “TASS” Obamaning qisqa yozma bayonotiga tayanib.

Foto: AP

“10-yanvar, seshanba kuni men sizlar bilan minnatdorlik ila xayrlashish uchun Chikagodagi uyimga yo‘l olaman”, — deyiladi hujjatda. Amerikaning amaldagi yetakchisi so‘zlariga ko‘ra, u o‘z hamyurtlariga o‘ziga bildirilgan katta ishonch uchun minnatdorlik bildirish, mamlakat so‘nggi sakkiz yil ichida erishgan yaxshi o‘zgarishlarga ularning diqqatini qaratish, bundan keyin qaysi tomonga harakatlanish borasidagi fikrlarini bildirish imkoniyati hisoblangan nutqni yozishni endi boshlamoqda.
Obama nuqtai nazariga ko‘ra, u Amerika ma’muriyatini boshqargan davrda AQSh “kuchliroq” davlatga aylangan.
Obamaning eslatishicha, “hokimiyatni tinch, demokratik yo‘l bilan topshirish” va “Amerika xalqiga xayrlashuv nutqi bilan murojaat qilish” an’anasini 1796-yilda mamlakatning birinchi prezidenti Jorj Vashington yaratgan. “Keyingi 220 yil davomida ko‘plab Amerika prezidentlari bunday nutq bilan chiqish qilgan”, — dedi Obama.
Batafsil | Подробно | Read more... Daryo