“Buxoro”ning futbolchilardan qarzdorligi bor. 7 nafar yetakchi futbolchi klubni tark etish arafasida

“Buxoro” futbol klubining bir qator yetakchi futbolchilari 2017-yilgi mavsumni yangi jamoa safida boshlaydi. Bu haqda “Championat.asia” sayti xabar berdi .

Foto: “Championat.asia”

Jamoaning futbolchilar oldida qarzdorligi mavjud. 2016-yilgi mavsumda klubning asosiy figurasi bo‘la olgan o‘yinchilar bilan haligacha to‘liq hisob-kitob qilinmagan. Bular: Ruslan Melziddinov, Aleksandr Merzlyakov, Shavkat Mullajonov, Shavkat Salomov, Salamat Qutiboyev, Bahodir Pardayev va Aziz Ibragimov.


“Neftchi” futbolchilaridan mukofot pullari kesib tashlandi. Arazlagan Mansur Saidov klub bilan xayrlashdi


Moliyaviy muammolar o‘z vaqtida bartaraf etilmasa, futbolchilar “Buxoro”ni tark etadi. Avvalroq klubning moldovalik legioneri Vadim Chemirtan faoliyatini Toshkentning “Bunyodkor” klubida davom ettirishga qaror qilgandi .
Shavkat Salomov esa Malayziya klubida ko‘rikdan o‘tmoqda . Ko‘rik muvaffaqiyatli yakunlansa, u faoliyatini Sharqiy Osiyoda davom ettiradi.
Ma’lumot uchun, “Buxoro” 2016-yilgi mavsumni kuchli to‘rtlikda yakunlashga muvaffaq bo‘lgan, O‘zbekiston kubogida esa yarim finalga qadar yetib borgandi.
Batafsil | Подробно | Read more... Daryo