Amerikaliklarning qariyb yarmi Trampning prezidentlik fazilatlarini shubha ostiga oldi

Amerikaliklarning qariyb yarmi AQShning saylangan prezidenti Donald Trampning yetakchilik fazilatlariga ishonmayapti. Bu haqda Gallup jamoatchilik fikri instituti o‘tkazgan so‘rov natijalari guvohlik bermoqda, deb yozadi “RBK”.

Foto: “RIA Novosti”

Trampning xalqaro inqirozni eplay olishiga so‘rovda qatnashganlarning 46 foizi, u mamlakat qurolli kuchlarini oqillik bilan boshqarishiga esa 47 foizi ishonch bildirdi. Respublikachi o‘z ma’muriyatida mojarolari chiqishiga yo‘l qo‘ymasligiga ishtirokchilarning 44 foizi ishonadi.
Tadqiqotda ta’kidlanishicha, Barak Obama, Kichik Jorj Bush va Bill Klintonning prezidentlik fazilatlariga so‘ralganlarning kamida o‘n nafardan yetti nafari ishongan.
Shu bilan birga, 60 foiz respondentlar Tramp kongress bilan samarali ishlay oladi deb, 59 foizi esa saylangan prezident milliy iqtisodiyotni samarali boshqara oladi deb hisoblaydi.
Batafsil | Подробно | Read more... Daryo