APL. Yangi murabbiyi bor “Kristal Pelas”ni yutgan “Suonsi” yangi murabbiylik bo‘ldi, “Xall Siti” murabbiyini haydadi

Futbol bo‘yicha Angliya Premyer-Ligasining 20-turidan keyin “Xall Siti” futbol klubi ham bosh murabbiyini iste’foga chiqardi, deb yozdi “Sports.ru”.

Foto: APL

Mayk Felan “Manchester Yunayted” klubi sharafini 1989—1994-yilgi mavsumlar davomida himoya qilgan va 102 ta uchrashuvda maydonga tushgan. Murabbiylik faoliyatining asosiy qismini ham Felan “Yunayted”da o‘tkazdi. Avvalroq akademiya klublarida, keyin esa birinchi jamoada yordamchi sifatida faoliyat olib bordi.
U 2016-yilgi mavsum oldidan “Xall Siti” bosh murabbiyi sifatida tanishtirilgandi. Ishdan ketishi uchun esa 20 ta tur yetarli bo‘ldi. Boisi shuncha turdan keyin “yo‘lbarslar” 20 ta jamoa ishtirok etadigan turnir jadvalida 20-jamoa bo‘lib turibdi.
Yangi yil arafasida amerikalik Bob Bredliga chiqish eshiklarini ko‘rsatib qo‘ygan “Suonsi” esa Pol Klementni bosh murabbiy sifatida tanishtirdi . “Bavariya”da Karlo Anchelottiga yordam berib kelayotgan Pol Klement Uels klubi bilan 2,5 yillik shartnomaga imzo chekdi. Qayd etish kerak, “Suonsi” amerikalik Bob Bredlini 3 oy deganda iste’foga chiqargandi.

Foto: The Guardian

Pol Klement Karlo Anchelotti bilan bir necha yillardan buyon faoliyat olib boradi. Jumladan u italiyalik mutaxassisga “Chelsi”, “PSJ”, “Real Madrid” klublarida ham yordam bergandi.
“Kristal Pelas”ga 3 tur avval yangi bosh murabbiy sifatida olib kelingan Sem Ellardays 20-turdan keyin asablarini jilovlay olmadi va chempionat taqvimini tuzganlarni ayovsiz tanqid qildi .

Foto: APL

 
Taqvimni kim tuzgan bilmadim-u, lekin uni ishdan yo‘qotish kerak.
Sem Ellardays, “Kristal Pelas” bosh murabbiyi
Ellardaysning tashrifidan keyin “Kristal Pelas” ilk o‘yinda “Uotford” bilan 1:1 hisobida durang o‘ynagan, o‘sha uchrashuvda Kristian Benteke penaltidan gol ura olmagandi. Ketidan esa londonliklar ikki bor mag‘lub bo‘ldi. Avvaliga “Arsenal” , ketidan esa “Suonsi”ga .
Uels klubini bu g‘alaba so‘nggi o‘rindan bir pog‘ona yuqoriga olib chiqdi. Natijada “Xall Siti” so‘nggi pog‘onaga tushdi. Oqibatda “Xall Siti” bosh murabbiyi ishdan ketdi. Yakunda Sem Ellardays kimning ishdan bo‘shashi kerakligini tushuntirib berdi.
Batafsil | Подробно | Read more... Daryo