Lutfulla To‘rayev “Felda Yunayted” safida Malayziya vitse-chempioni bo‘ldi va klubni tark etdi

O‘zbekistonlik futbolchi Lutfulla To‘rayevning Malayziyadagi faoliyati o‘z yakuniga yetdi va u ortga qaytib keldi, deb xabar berdi “Championat.asia”.

Foto: “Championat.asia”

O‘zining O‘zbekistondagi so‘ngi mavsumini “Lokomotiv” safida o‘tkazgan va mamlakat chempioni bo‘la olmagan Lutfulla To‘rayev, Malayziya klubida ham kumush medal bilan cheklandi. U harakat qilgan “Felda Yunayted” Malayziya chempionatini 2-o‘rinda yakunladi.

Foto: “Championat.asia”

To‘rayev 2016-yilning 7-yanvar kuni “Felda Yunayted” futbolchisi sifatida tanishtirilgandi. Oradan bir yil o‘tib u erkin agentga aylandi. Taxminlarga ko‘ra, futbolchi faoliyatini “Olmaliq”da davom ettirishi mumkin .
Ma’lumot uchun, 2017-yilning 4-yanvar holatiga ko‘ra Malayziya chempionatida 2 nafar o‘zbekistonlik futbolchi bor: Dilshod Sharofutdinov (“T-Tim”) va Bobur Akbarov (“Kuala-Lumpur”).
Ayni vaqtda Malayziyaning “T-Tim” klubi yana ikki nafar o‘zbekistonlik futbolchiga da’vogar bo‘lib turibdi: Farhod Tojiyev hamda Shavkat Salomov . Avvalroq Pavel Smolyachenko ham mazkur klub safida ko‘rikda bo‘lib qaytgandi .
2016-yilgi mavsum so‘nggida “T-Tim” O‘zbekiston oliy ligasi to‘purari Temurxo‘jayev Abduxoliqovni ham o‘z safiga qo‘shib olishni istagandi . O‘zbekiston milliy terma jamoasi bosh murabbiyi Samvel Babayanning prinsiplariga to‘g‘ri kelmaydigan futbolchi esa “Lokomotiv” bilan yana bir yillik kelishuvga erishdi .
Batafsil | Подробно | Read more... Daryo