Ispaniya kubogi. Zidan murabbiy bo‘lgan kunning bir yilligida “Real” “Sevilya” darvozasiga 3 ta javobsiz gol urdi

Futbol bo‘yicha Ispaniya kubogi nimchorak finalidan joy olgan yana 3 ta uchrashuvga yakun yasaldi. Avvalroq 4 ta uchrashuv bo‘lib o‘tgandi .

Foto: Getty Images

“Santyago Bernabeu” stadionida “Sevilya”ni qabul qilgan Madridning “Real” klubi yirik — 3:0 hisobida zafar quchdi va bir haftadan keyin bo‘lib o‘tadigan javob o‘yini oldidan chorak final sari ilk qadamni tashladi.
Bellashuvda Xames Rodriges dubl qayd etishga muvaffaq bo‘ldi. Yana 1 ta gol Rafael Varan hisobiga yozildi. Uchrashuvda Serxio Ramos, Garet Beyl, Karim Benzema, Krishtianu Ronaldu kabi “Real”ning yetakchi futbolchilari ishtirok etmadi.



San-Sebastyan shahrida kechgan “Real Sosyedad” — “Vilyarreal” o‘yini mezbonlarning 3:1 hisobidagi g‘alabasi bilan yakun topdi. Uchrashuv yirik hisobda yakuniga yetishi ham mumkin edi. 77-daqiqaga kelib “sariq suv osti kemasi” bundan qutulib qoldi.
Bugun — 5-yanvar kuni 1/8 final doirasidagi so‘nggi o‘yinda “Barselona” safarda “Atletik”ka qarshi saf tortadi. Bellashuv Toshkent vaqti bilan 6-yanvarga o‘tar kechasi 1:15 da start oladi.
Ispaniya kubogi
1/8 final
4-yanvar, chorshanba
“Real Madrid” — “Sevilya” 3:0
Gollar: Xames Rodriges, 11 (1:0). Rafael Varan, 29 (2:0). Xames Rodriges, 44-pen (3:0).
“Real Sosyedad” — “Vilyarreal” 3:1
Gollar: Villian, 17 (1:0). Karlos Vela, 33 (2:0). Mikel Oyarsabal, 72 (3:0). Manu Trigeros, 77 (3:1.
“Alkorkon” — “Kordoba” 0:0

Batafsil | Подробно | Read more... Daryo