Toyota Meksikada zavod qursa, AQShda kattaroq bojga tortilishi mumkin

Agar Yaponiyaning Toyota Motor Corporation avtokonserni Meksikada AQShga eksport qilinadigan mashinalar ishlab chiqaruvchi zavod qursa, u mazkur mahsulotni AQShga olib kirishi uchun kattaroq boj to‘lashiga to‘g‘ri keladi. Bu haqda AQShning saylangan prezidenti Donald Tramp Twitter’dagi sahifasida ma’lum qildi, deb xabar bermoqda “Interfaks”.

Foto: Getty Images

“Toyota Meksikada, Quyi Kaliforniyada zavod qurmoqchiligini aytmoqda, u yerda AQSh uchun Corolla yasalar ekan. Hech qachon! AQShda zavodlar quring yoki kattaroq boj to‘lang”, — deb yozdi u.
Toyota Motor said will build a new plant in Baja, Mexico, to build Corolla cars for U.S. NO WAY! Build plant in U.S. or pay big border tax.
— Donald J. Trump (@realDonaldTrump) January 5, 2017

Trampning bayonotiga Toyota rahbari Akio Toyoda javob berdi. U kompaniya rejalarini o‘zgartirmasligini aytib o‘tdi.
Ma’lumki, o‘z saylovoldi kampaniyasida Donald Tramp AQShning o‘zida qayta sanoatlashtirish o‘tkazib, yangi ish o‘rinlari yaratishni, yirik korporatsiyalar ishlab chiqarishni ishchi kuchi arzon bo‘lgan boshqa davlatlarga olib chiqib ketishiga yo‘l qo‘ymaslikni va’da qilgan edi. Jumladan, Tramp General Motors korporatsiyasini u Meksikada avtomobil ishlab chiqarib, AQShga bojxona to‘lovlarisiz olib kirayotgani uchun tanqid ostiga olgan edi.
Muqaddam Ford kompaniyasi Meksikada zavod qurish rejalaridan voz kechgani bois Tramp uning mutasaddilariga minnatdorlik bildirgan edi .
Batafsil | Подробно | Read more... Daryo