Rio—2016 dan keyin uch nafar o‘zbekistonlik bokschi o‘z vaznini saqlab qola olmay, 4 kilogrammga og‘irlashgani aniqlandi

Rio—2016 Olimpiadasida O‘zbekiston sharafini himoya qilgan 10 nafar bokschining 6 nafari jahon boks seriyasida Uzbek Tigers sharafini himoya qiladi. Shulardan uch nafari o‘z vazn toifasini o‘zgartirishga majbur bo‘ldi. Bu haqda “Olamsport” ma’lumot berdi .

Foto: Afisha.uz

Shahobiddin Zoirov Rio Olimpiadasining 52 kilogrammgacha bo‘lgan bokschilar o‘rtasidagi turnirida ishtirok etib, oltin medalni qo‘lga kiritgandi. Uzbek Tigers ro‘yxatida esa u -56 kg vazn toifasida ko‘rinish berdi.
Uning qatorida Olimpiadaning kumush medali sovrindori Bektemir Meliqo‘ziyev ham endi -75 kgda emas, -81 kg vazn toifasida ringga ko‘tariladi. Sport festivalida bronza bilan taqdirlangan Murodjon Ahmadaliyev ham bir pog‘ona yuqoriga o‘tib, -60 kg bokschilar qatoriga qo‘shilgan.
Hasanboy Do‘stmatov, Shahram G‘iyosov, Bahodir Jalolov kabi bokschilar o‘z vaznini o‘zgarishlarsiz saqlab qolishga erishdi. Xurshid Tojiboyev, Elshod Rasulov, Fazliddin G‘oibnazarov hamda Rustam To‘laganov kabi charm qo‘lqop ustalari Uzbek Tigers tarkibidan joy olmagan.
Ma’lumot uchun, O‘zbekiston sharafini himoya qiladigan jamoa 3-fevral kuni Xitoyning China Dragons jamoasiga qarshi jang qiladi.
Batafsil | Подробно | Read more... Daryo