Markaziy Afrika Respublikasida bir haftada uchinchi BMT tinchlikparvari o‘ldirildi

Markaziy Afrika Respublikasida qurolli shaxslar hujumi natijasida bir haftada uchinchi BMT tinchlikparvari o‘ldirildi, deb yozadi “TASS” jahon tashkiloti bosh kotibining rasmiy vakili Stefan Dyujarrikka tayanib.

Foto: “Trend.az”

“BMT tinchlikparvarlari Uam-Pende prefekturasidagi Koi shahrida patrullikdan qaytayotgan vaqtda ularga 50 ga yaqin qurolli kishilar hamla qildi. Bangladeshlik tinchlikparvar halok bo‘ldi”, — dedi Dyujarrik. Uning so‘zlariga ko‘ra, BMTning MARdagi missiyasi ushbu hujumni, shuningdek, tinchlikparvarlarga nisbatan boshqa tajovuzkor harakatlar va gij-gijlashlarni qoralaydi hamda Bangladesh hukumatiga hamdardlik izhor etadi.
Nashr eslatishicha, 4-yanvar kuni Obo shahriga yoqilg‘i yetkazib berayotgan BMT avtokolonnasiga jangarilar guruhi hujum qilishi oqibatida ikki nafar marokashlik tinchlikparvar halok bo‘lgan, yana ikki kishi yaralangan edi.
Batafsil | Подробно | Read more... Daryo