Kot-d’Ivuardagi askarlar tomonidan egallab olingan shaharda otishma ovozlari eshitilayotgani bildirildi

Kot-d’Ivuarning askarlar tomonidan egallab olingan va aholi soni bo‘yicha ikkinchi shahri Buakedagi harbiy baza yaqinida o‘q ovozlari eshitilmoqda. Bu haqda “RBK” xabar bermoqda .

Foto: Reuters

Otishma nima sababdan boshlangani ma’lum emas, biroq isyonchilarning vakili askarlar lager tashqarisida shubhali harakatlarni payqagani va o‘q ovozlari bilan bunga qo‘l urganlarni cho‘chitmoqchi bo‘lganini bildirdi.
6-yanvar, juma kuni askarlar Buakega kirib, politsiya bo‘limlaridagi qurollarni tortib oldi va shahar ostonasidagi marralarni egalladi. Mamlakat mudofaa vaziri Alan-Richard Donvaxiga ko‘ra, askarlar maoshlarining oshirilishi va unvon olish jarayoni soddalashtirilishini talab qilmoqda.
Rasmiylar askarlarni xotirjamlikni saqlashga da’vat qilgani va ular bilan muzokaralar olib borayotgani bildirilmoqda.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo