Isroil Xavfsizlik kengashi rezolyutsiyasiga javob tariqasida BMTga badallarni 6 mln dollarga kamaytirishga qaror qildi

Isroil Xavfsizlik kengashining bosib olingan Falastin yerlarida manzilgohlar qurilishini to‘xtatish talab qilingan rezolyutsiyasiga javob tariqasida BMT budjetiga badallarni 6 million dollarga kamaytirish haqida qaror qabul qildi. Bu haqda 6-yanvar, juma kuni Isroilning xalqaro tashkilotdagi doimiy vakolatxonasi ma’lum qildi, deya xabar beradi “TASS”.

Foto: Facebook / Israel in UN

“Isroil Xavfsizlik kengashi rezolyutsiyasiga javoban BMTga taxminan 6 million dollarga teng badallarning bir qismini to‘xtatishga qaror qildi. Mazkur summa xalqaro tashkilot budjetining Isroilga qarshi tizimlarni moliyalashtirishga ajratiladigan qismiga to‘g‘ri keladi”, — deyiladi vakolatxonaning Facebook’dagi sahifasida joylashtirilgan xabarda.
Vakotaxona BMTdan “yagona maqsadi fitna qo‘zg‘ash va Isroilga qarshi targ‘ibot bo‘lgan tizimlarni qo‘llab-quvvatlashni to‘xtatish”ni talab qildi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo