Italiya A seriyasining qishki tanaffusdan keyingi ilk turida yetakchi klublarning barchasi zafar quchdi

Futbol bo‘yicha Italiya A seriyasida qishki ta’til o‘z nihoyasiga yetdi va jamoalar 19-tur uchrashuvlarida maydonga tushdi.

Foto: Getty Images

Mazkur tur yetakchi klublarning barchasi uchun omadli keldi. Turnir jadvalida peshqadam bo‘lib turgan Turinning “Yuventus” klubi o‘z maydonida yirik g‘alabani qo‘lga kiritdi. Argentinalik hujumchilardan Gonsalo Iguain o‘z nomini tabloga ikki bor yozdirib qo‘ygan bo‘lsa, Dibala penaltidan aniq foydalangani bilan yodda qoldi.

Foto: Getty Images

“Yuventus”dan 1 ta ko‘p o‘yin o‘tkazib, 4 ochko ortda qolayotgan “Roma”dan gol uradigan hech kim topilmadi. Shunga qaramay Luchano Spaletti jamoasi mezbonlarning avtogoli sabab zafar quchdi.

Foto: Getty Images

Milan shahri klublari o‘z irodasini namoyish eta oldi. Ivan Perishichning dubli “Inter”ga safarda g‘alaba tortiq qildi. “Milan” esa Karlos Bakkaning so‘nggi daqiqalaridagi goli sabab zafar quchdi.






Shuningdek, “Napoli” hamda “Latsio” klublari ham aynan so‘nggi daqiqada urilgan gollar sabab 3 ochkolik bo‘ldi.

Foto: Getty Images

Italiya A seriyasi
19-tur bellashuvlari
7-yanvar, shanba
“Empoli” — “Palermo” 1:0
Gol: Massimo Makkarone, 78-pen (1:0).
“Napoli” — “Sampdoriya” 2:1
Gollar: Elseyd Xyusay, 30-avt (0:1). Manolo Gabbyadini, 77 (1:1). Lorenso Tonelli, 90+5 (2:1).
Chetlatish: Matias Silvestre, 61 (S).
“Udineze” — “Inter” 1:2
Gollar: Yakup Yankto, 17 (1:0). Ivan Perishich, 45+2 (1:1). Ivan Perishich, 87 (1:2).
“Jenoa” — “Roma” 0:1
Gol: Armando Itsso, 36-avt (0:1).
“Kyevo” — “Atalanta” 1:4
Gollar: Alexandro Gomes, 4 (0:1). Alexandro Gomes, 23 (0:2). Andrea Konti, 42 (0:3). Serjio Pellisye, 62 (1:3). Remo Froyler, 69 (1:4).
“Latsio” — “Krotone” 1:0
Gol: Chiro Immobile, 90 (1:0).
Noaniq penalti: Lukas Bilya, 31 (L).
“Sassuolo” — “Torino” 0:0
“Milan” — “Kalyari” 1:0
Gol: Karlos Bakka, 88 (1:0).
Chetlatish: Brunu Alvesh, 90+4 (K).
“Yuventus” — “Bolonya” 3:0
Gollar: Gonsalo Iguain, 7 (1:0). Paulo Dibala, 41-pen (2:0). Gonsalo Iguain, 55 (3:0).

Foto: Livescore.in


Batafsil | Подробно | Read more... Daryo