Venesuela sudi parlament prezidentni lavozimidan bo‘shata olmasligini ma’lum qildi

Venesuela Oliy sudi Venesuela parlamenti — Milliy assambleyaning hech qanday rezolyutsiyalari mamlakat prezidentining o‘z lavozimidan bo‘shatilishiga olib kela olmasligini ma’lum qildi, deb yozadi “Gazeta.ru” sudning rasmiy bayonotiga tayanib.

Foto: Getty Images

Sud ta’kidlashicha, mamlakat konstitutsiyasiga muvofiq, parlament prezidentni iste’foga chiqarish vakolatiga ega emas. Shuningdek, sud parlament a’zolaridan prezidentga nisbatan impichment haqidagi rezolyutsiyani tuzishdan tiyilishni so‘radi.
Bundan tashqari, mamlakat Oliy sudi siyosiy ixtiloflarni hal etish uchun muzokaralar muhimligini qayd etdi.
Avvalroq Venesuela muxolifat parlamenti prezident Nikolas Maduro o‘z majburiyatlarini bajarmagani uchun lavozimini tark etgan deb e’lon qilgan edi .
Batafsil | Подробно | Read more... Daryo