Jorj Lukas milliard dollarga “Yulduzlar jangi” muzeyini barpo etadi

Amerikalik kinorejissor Jorj Lukas Los-Anjelesda (Kaliforniya shtati) Narrativ san’at muzeyini yaratadi. Kinematografchi “Yulduzlar jangi” fantastik sagasini tasvirga olishda ta’sis etgan shaxsiy eksponatlar kolleksiyasini muzeyga hadya qiladi, deb yozadi The Los Angeles Times.

Foto: The Los Angeles Times

Lukas loyihaga milliard dollarga yaqin mablag‘ ajratadi. Rejissor muzeyga hadya qiladigan eksponatlar orasida Dart Veyderning original niqobi va amerikalik rassom Norman Rokvellning ishlari bor.

Foto: The Los Angeles Times

Los-Anjeles meri Twitter’dagi sahifasida Narrativ san’at muzeyi minglab yangi ish o‘rnini yaratishini ma’lum qildi.

Foto: The Los Angeles Times

Rejissor muassasani dastlab Chikagoda qurishni rejalashtirgan edi. Biroq 2014-yilning noyabrida “Bog‘ do‘stlari” deb nomlangan faollar guruhi shaharda muzeyning qurilishiga qarshi chiqish qildi.


“Yulduzlar jangi” kinoepopeyasidagi malika Leya roli bilan tanilgan aktrisa Kerri Fisher vafot etdi


41 mln dollar — film tugamay, aktyor vafot etgani uchun kinostudiya olishi mumkin bo‘lgan eng katta sug‘urta to‘lovi


“Yulduzlar jangi” fantastik sagasi 1970-yillarda Jorj Lukas tomonidan o‘ylab topilgan. U 8 ta film, animatsion seriallar, multfilmlar, telefilmlar, kitoblar, komikslar va videoo‘yinlarni o‘z ichiga oladi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo