La Futbol. Messi jarimani penaltidan yaxshiroq tepadi, Suaresdan “Barsa”dagi 100-gol, “Real” Dibala uchun 105 million beradi

La Futbol. Kataloniyaning “Barselona” futbol klubi Ispaniya kubogi chorak finaliga yo‘l olgach , yengil tin oldi. Unga qadar esa Bilbaodagi mag‘lubiyat klub muxlislarini tashvishlantirgan, futbolchilar FIFA marosimiga bormagan , Pike hammasini hakamlardan ko‘rgandi.

Foto: FourFourTwo

Jamoa o‘yinidan mamnunman. Futbolchilar yaxshi hujum qildi va shunday himoyalandi. Biz o‘yinni to‘liq nazorat qildik, “Atletik” esa yagona imkoniyatidan foydalanib qoldi. Shunga qaramay, o‘zimizni yo‘qotmadik va bir tekis o‘ynay oldik.
So‘nggi vaqtlarda raqiblar ko‘p hujum qilmay ham gol urib ketmoqda. Ishonamanki, bunga chora topa olamiz. Bizga uzoq g‘alabali seriya kerak bo‘ladi.
Luis Enrike, “Barselona” bosh murabbiyi

Foto: Xinhuanet.com

Lionel Messi “Atletik”ka qarshi birinchi o‘yinda ham, ikkinchisida ham jarima zarbasidan muvaffaqiyat qozondi. “Sports.ru”ning qayd etishicha , Messi “Barselona”dagi faoliyati davomida birinchi bor ketma-ket uch uchrashuvda jarima zarbasidan gol urgan.
O‘yin taqdirini har doimgidek Messi hal qildi. Umid qilamanki, u “Barselona” safida uzoq yillar qoladi. Ahir undan zo‘ri yo‘q. Gap faqat gollarida emas, maydonni ko‘ra olish, to‘g‘ri qarorni qabul qilish hamda sheriklariga yordam berishda ham u benazir.
Luis Enrike, “Barselona” bosh murabbiyi
Statistiklar ma’lumotiga ko‘ra, Kataloniya klubida Messi 26 bor jarima zarbasini golga aylantirgan. Hujumchi bu borada Ronald Kumanga tenglashib oldi .
Tabriklayman, Leo. Yangi rekordga faqatgina 1 ta gol qoldi.
Ronald Kuman, “Everton” bosh murabbiyi

Foto: Sky Sports

“Atletik”ka qarshi o‘yindagi birinchi gol muallifi Luis Suaresni tabriklash mumkin. Urugvaylik hujumchi “Barselona” libosini kiyganidan buyon 100-golini urdi . Xulosa qilib aytganda, Suaresning “Liverpul”dan sotib olingani o‘zini to‘la oqladi. Har holda, Anri, Ibrahimovich kabi yulduzlar fonida Suaresning “Barselona”ga xizmati qadrliroq bo‘ldi.

Foto: Fox Sports

“Sports.ru”ning aniqlik kiritishicha , Suares FIFAning taqdirlash marosimiga o‘z xohishiga ko‘ra bormagan. Chunki u tashkilotdan hafa. 29 yoshli futbolchi JCh—2014 da Kyellinini tishlab olgani uchun FIFA uni 4 oyga futboldan chetlatganini hazm qila olmagan.
Bundan tashqari, FIFA taqdimot uchun Suaresning 5 yil avval tushgan suratini tanlab olgan. Bu juda ham eski va xuddiki Luisning tishlariga shama qilingandek taassurot uyg‘otadi.
“Real Madrid”
Madridliklar o‘z safiga yana bir top hujumchi qo‘shib olishga harakat qiladi — argentinalik Paulo Dibala. Bu yo‘lda “Qirollik klubi” “Yuventus” hisob raqamiga 105 million yevro o‘tkazib berishga tayyor . Qayd etish kerak, “Yuventus” Pol Pogbani “Yunayted”ga aynan shuncha narxga sotgandi.

Foto: Getty

“Real” Dibalaning o‘ziga yillik 10 million yevro maosh tayinlashni rejalashtirgan.
Batafsil | Подробно | Read more... Daryo