O‘zbekiston va Xitoy milliy terma jamoasi FIFA reytingida bir pog‘ona, Qatar esa ikki pog‘ona yuqoriladi

Xalqaro futbol uyushmasi FIFA terma jamoalarning yangi reytingini e’lon qildi. Unga ko‘ra, O‘zbekiston milliy terma jamoasi 568 ochko bilan 61-o‘ringa ko‘tarildi.

Foto: OFK

Bu avvalgi ko‘rsatkichga nisbatan 1 pog‘ona yuqori. O‘zbekiston Osiyo mamlakatlari orasida 6-o‘rnini saqlab qoldi. Qit’ada peshqadam bo‘lib turgan Eron jahonda 29-o‘rinda. Janubiy Koreya esa Osiyoda 2, dunyo reytingida 37-o‘rindan joy olgan.
Avstraliya Osiyo termalari orasida nisbatan balandroq — 3 pog‘ona ko‘tarilib, dunyoda 44-o‘rinni, Osiyoda 3-pog‘onani egalladi. Yaponiya — 46-o‘rin, Saudiya Arabistoni — 48-o‘rin.
JCh—2018 saralash bosqichida O‘zbekiston bilan bir guruhdan o‘rin olgan Xitoy avvalgi oydagiga nisbatan 1 pog‘ona, Qatar esa 2 pog‘ona yuqoriladi. Suriya terma jamoasi o‘z o‘rnidan siljimagan.
FIFA reytingida Argentina yetakchi. Ikkinchi o‘rinni Braziliya, uchinchi o‘rinni Germaniya band qilgan.
Batafsil | Подробно | Read more... Daryo