WADA sobiq rahbari: JCh—2018 ishtirokchilari Rossiyaga kelishdan bosh tortsa, Rossiya mundialdan mahrum bo‘lishi mumkin

Jahon antidoping agentligi — WADA’ning sobiq rahbari va XOQ a’zosi Richard Paund 2018-yilda Rossiyada o‘tkaziladigan futbol bo‘yicha jahon chempionatida ishtirok etishdan bir necha davlatlar bosh tortgan taqdirda nimalar ro‘y berishiga e’tibor qaratdi, deb xabar bermoqda “Sports.ru”.

Foto: Reuters

Avvalroq 19 mamlakatning milliy antidoping tashkilot (NADO)lari rahbarlari Rossiyani barcha xalqaro musobaqalardan chetlatish va uni xalqaro turnirlar mezbonligidan mahrum qilishga chaqirgan edi.
Bundan tashqari, aynan doping mojarosi sabab bir qator terma jamoalarning musobaqalarda qatnashishdan bosh tortgani tufayli so‘nggi bir oy ichida Rossiya bobsley bo‘yicha jahon chempionati mezbonligidan, shuningdek, biatlon, ot sporti va chang‘i poygalari bo‘yicha Jahon kubogi bosqichlarini qabul qilishdan mahrum etildi.
Musobaqalarni o‘tkazish, jumladan, 2018-yil Rossiyada bo‘ladigan futbol bo‘yicha jahon chempionati ham FIFAda ichki doirada hal qilinadigan masaladir.
Doping bilan bog‘liq hozirgi muammolar tufayli bir qator mamlakatlar Rossiyada bo‘ladigan chempionatda ishtirok etishdan bosh tortishi mumkinligini istisno qilib bo‘lmaydi, bu esa Rossiya mezbonlikdan mahrum etilishi ehtimolining ibtidosi bo‘ladi. Men hozirda FIFA’da emasman, shuning uchun bu borada aniq gap aytishim qiyin.
Richard Paund, WADA sobiq rahbari
Eslatib o‘tamiz, futbol bo‘yicha jahon chempionati Rossiyada 2018-yilning 14-iyunida start olib 15-iyuliga qadar davom etadi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo