AQSh Qunduzdagi kasalxona afg‘on harbiylari iltimosiga ko‘ra aviazarbaga uchraganini ma’lum qildi

AQSh Afg‘onistonning Qobul shahridagi “Chegara bilmas shifokorlar” xalqaro tashkiloti kasalxonasi afg‘on harbiylari iltimosiga ko‘ra, aviazarbaga uchraganini ma’lum qildi. Bu haqda Afg‘onistondagi xalqaro xavfsizlik kuchlari harakati qo‘mondoni, general Jon Kempbell axborotiga ko‘ra, “Vedomosti” xabar bermoqda .

Foto: “TASS”

“Biz 3-oktabr kuni afg‘on qurolli kuchlari dushman tomondan o‘qqa tutilgani va AQSh harbiy-havo kuchlaridan yordam so‘raganidan xabar topdik. Harakat davomida ‘Tolibon’ tomonidan xavf kelayotgan nuqtalarga aviazarbalar berildi. Natijada tinch aholi vakillari orasidan bir nechtasi halok bo‘ldi”, — dedi u Pentagondagi brifingda chiqishi vaqtida.
Kempbell Afg‘onistonning aynan qaysi qurolli kuchlari tomonidan yordam so‘ralganiga aniqlik kiritmadi. Uning ma’lum qilishicha, voqea yuzasidan uchta tekshiruv ishi olib borilmoqda.
Batafsil | Подробно | Read more... Daryo