Tramp tomonidan kamsitilgan BuzzFeed nashri uning so‘zlarini “sotish”dan bir kunda 25 ming dollar ishladi

BuzzFeed nashri AQShning saylagan prezidenti Donald Trampning so‘zlari tushirilgan futbolkalar, stikerlar va boshqa tovarlarni sotish uchun internet do‘kon ochdi. Donald Tramp o‘z matbuot konferensiyasida ushbu portalni “bir bo‘lak axlat” deb atagan edi. Ushbu tovarlarning bir kunlik savdosi natijasida BuzzFeed 25 ming dollardan ko‘proq foyda oldi, deb xabar berdi TJournal.

Foto: TJournal

Nashriyot bu foydani matbuot erkinligini qo‘llab-quvvatlash bo‘yicha faoliyat ko‘rsatuvchi notijorat tashkilot Committee to Protect Journalists’ga yo‘naltirishga va’da berdi.
Eslatib o‘tamiz, 11-yanvar kuni BuzzFeed Rossiya maxsus xizmatlarida Donald Trampni obro‘sizlantiruvchi ma’lumotlar borligidan dalolat beruvchi hujjatlarni chop etgandi . Ammo nashr mazkur hujjatlardagi ma’lumotlarni haqiqat ekanligini tasdiqlay olmagandi. O‘sha kuni Donald Tramp saylovlardagi g‘alabasidan keyingi ilk matbuot anjumanini o‘tkazdi. Anjumanda Tramp BuzzFeed yolg‘on ma’lumotlar chop etishini aytib, nashr jurnalistining savol berishiga yo‘l qo‘ymagandi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo