Xitoy avtosalonlarida bir yilda 28 milliondan ortiq mashina sotilib, rekord o‘rnatildi

Xitoyda yangi avtomobillar sotuvi bo‘yicha rekord o‘rnatildi. Bu haqda XXR Avtomobil ishlab chiqaruvchilar assotsiatsiyasi ma’lumotiga tayanib, “Motor” nashri xabar bermoqda .

Foto: “Motor”

Mamlakatda o‘tgan 2016-yil davomida 28,03 millionta mashina sotilgan, bu 2015-yilgi ko‘rsatkichdan 13,7 foizga ortiqdir.
Foizlar nisbatida bu 2013-yildan buyon eng yuqori ko‘rsatkichdir. Shuningdek, mamlakatda mahalliy avtomobil sanoati tarixida eng ko‘p avtomobil ishlab chiqarish bo‘yicha ham rekord o‘rnatildi. 2016-yilda Xitoy zavodlari 28,12 millionta mashina ishlab chiqardi. Bu bir yil avvalgidan 14,5 foizga ortiqdir.
Sotuv hajmining oshishi ixcham avtomobillarni xarid qilish uchun belgilangan soliqlarning pasaytirilishi bilan bog‘lanmoqda. 2015-yilning oktabrida Xitoy hukumati bu soliqni yarmiga — besh foizgacha pasaytirdi. Soliqlarning pasaytirilishi dvigatel hajmi 1,6 litr va undan kichik bo‘lgan mashinalarga nisbatan joriy etildi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo