Rossiyadagi portlovchi moddalar tayyorlash bilan shug‘ullangan zavodga hujum uyushtirildi

Noma’lum kimsalar Rossiyaning Sverdlovsk viloyatidagi kasod bo‘lgan Krasnouralsk kimyo zavodiga hujum uyushtirdi. Korxonaning uch nafar qo‘riqchisi kasalxonaga yotqizildi. Bu haqda “TASS” xabar bermoqda . 

Foto: “TASS”

“Krasnouralsk kimyo zavodi qo‘riqchilariga hujum uyushtirildi, ularda turli, jumladan, o‘qotar quroldan olingan jarohatlar qayd etildi. Korxonani qo‘riqlayotgan kishilarda qurol bo‘lmagan. Ular zavod hududiga noma’lum shaxslar kirganini payqab, ularni qo‘lga olishga harakat qilgan, biroq bunga javoban qurol qo‘llangan. Hozir ularning uchalasi ham kasalxonada, shifokorlar nazorati ostida. Politsiya xodimlari mazkur jinoyatni ochishga harakat qilmoqda”, — deya ta’kidladi viloyat IIV matbuot xizmati rahbari Valeriy Gorelix. 
Oldinlari Krasnouralsk kimyo zavodi portlovchi moddalar ishlab chiqargan. Hozirda faoliyat ko‘rsatmayotgan korxonada 300 tonnadan oshiq xavfli moddlar yo‘q qilingandi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo