Indoneziyaning Aviastar kompaniyasi samolyoti qulagan joyda 10 kishining jasadi topildi

Qutqaruvchilar o‘tgan haftada Indoneziyada halokatga uchragan Aviastar kompaniyasi samolyoti qulagan joyda 10 kishining jasadi va “qora quti”ni topgan. Bu haqda “RIA Novosti” xabar bermoqda .

Foto: Reuters

Samolyot 2-oktabr kuni Indoneziya sharqida yo‘qolib qolgandi . Kichik motorli samolyot bortida 10 kishi — ekipajning uch a’zosi, yetti yo‘lovchi, jumladan, uch nafar bola bo‘lgan.
Aviakompaniya vakillarining ma’lum qilishicha, havo kemasi Sulavesi orolining Masamba va Makasar shaharlari oralig‘ida parvoz qilayotgan vaqtda dispetcherlarning samolyot bilan aloqasi uzilgan. Twin Otter samolyoti bo‘laklari Sulavesi janubidagi Latimojong tog‘idan topilgan .
“Barcha halok bo‘lganlarning jasadi tog‘dan olib tushilib, Damaru qishlog‘iga keltirildi. Ularni keyinchalik Ulu Salu qishlog‘iga olib borib, so‘ng vertolyotda Janubiy Sulavesi provinsiyasi poytaxti — Makasarga eltiladi”, — deya ta’kidlagan Indoneziya milliy qidiruv-qutqaruv boshqarmasi vakili.
Batafsil | Подробно | Read more... Daryo