FVV: Saratovdagi YTHda halok bo‘lganlar orasida ikki o‘zbekistonlik ham bor

Rossiyadagi “Nijniy Novgorod—Saratov” avtomobil yo‘lining Saratov viloyati hududidan o‘tuvchi 547-kilometrida 15-yanvar, yakshanba kuni Moskva vaqti bilan 01:32 da Volvo rusumli yuk avtomobili hamda Toyota Verso yengil avtomobili ishtirokida yo‘l-transport hodisasi sodir bo‘ldi. Bu haqda O‘zbekiston FVV matbuot xizmati xabar bermoqda . 

Foto: “RIA Novosti”

YTH natijasida 7 kishi halok bo‘ldi. Ular orasida 2 nafar O‘zbekiston Respublikasi fuqarosi — 1975-yilda tug‘ilgan Lyudmila Bozorova va 1992-yilda tug‘ilgan Zaynutdin Abdusalanov ham borligi aniqlandi.
Avval halok bo‘lganlarning barchasi qirg‘izistonlik ekanligi bildirilgandi . 
Favqulodda vaziyatlar vazirligi tomonidan tegishli vazirlik va idoralar bilan hamkorlikda halok bo‘lganlarning yaqinlariga zarur yordam ko‘rsatish choralari ko‘rilmoqda.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo