O‘zbekiston aholisi soni 32 mln kishidan oshdi

2017-yil 1-yanvar holatiga ko‘ra O‘zbekistonning doimiy aholisi soni 32,121 million kishini tashkil qildi. 2016-yil boshidan buyon mamlakat aholisi soni 545,8 ming kishiga yoki 1,7 foizga ko‘paydi. Bu haqda O‘zbekiston Respublikasi Davlat statistika qo‘mitasi ma’lum qildi .

Foto: “Gazeta.uz”

Shahar aholisi soni 16,238 million (aholi soniga nisbatan 50,6 foiz), qishloq aholisi soni 15,882 million kishini (aholi soniga nisbatan 49,4 foiz) tashkil etdi.
2016-yilning yanvar-dekabr davrida 726,8 ming bola tug‘ilib, mos ravishda tug‘ilish koeffitsiyenti 22,8 promilleni tashkil qildi va 2015-yilning mos davriga nisbatan 0,7 promillega kamaydi (2015-yilda 23,5 promille bo‘lgan).
Tug‘ilish koeffitsiyentining sezilarli darajada pasayishi Qoraqalpog`iston Respublikasida (23,3 promilledan 21,8 promillegacha), Surxondaryo (27,0 promilledan 25,8 promillegacha), Buxoro (21,9 romilledan 20,9 promillegacha), Toshkent (21,1 promilledan 20,3 promillegacha), Andijon (24,1 promilledan 23,4 promillegacha), Qashqadaryo (26,2 promilledan 25,5 promillegacha) va Sirdaryo (22,8 promilledan 22,1 promillegacha) viloyatlarida qayd etildi.
2016-yilning yanvar-dekabr oylarida 154,5 mingta o‘lim qayd etilgan bo‘lib, mos ravishda o‘lim koeffitsiнenti 4,8 promilleni tashkil etdi.
Ro‘yxatga olingan jami o‘lganlarning 59,6 foizi qon aylanish tizimi kasalliklaridan, 9,4 foizi — o‘simtalardan, 6,7 foizi — baxtsiz hodisa, zaharlanish va jarohatlanishlardan, 5,9 foizi — ovqat hazm qilish aэzolari kasalliklaridan, 4,9 foizi — nafas olish aэzolari kasalliklaridan, 1,9 foizi — yuqumli va parazitar kasalliklardan, 11,6 foizi — boshqa kasalliklardan vafot etgan.
Shuningdek, hisobot davrida FHDYo organlari tomonidan 275,1 mingta nikoh va 29,4 mingta nikohdan ajralishlar qayd etilgan. Respublika bo‘yicha nikoh tuzish koeffitsiyenti 8,6 promilleni, nikohdan ajralish koeffitsienti esa 0,9 promilleni tashkil etdi.
Respublika bo‘yicha ko‘chib kelganlar soni 141,7 ming kishini, ko‘chib ketganlar soni esa 168,3 ming kishini tashkil etdi. Migratsiya saldosi minus 26,6 ming kishini tashkil etdi (2015-yilda minus 29,3 ming kishi bo‘lgan).
Batafsil | Подробно | Read more... Daryo