Pokistonda Qatar qirollik oilasi a’zosi avtokolonnasiga hujum uyushtirildi

Pokiston janubi-g‘arbida noyob qushlarni ovlashga ketayotgan Qatar qirollik oilasi a’zosi avtokolonnasiga uyushtirilgan mahalliy aholining qurolli hujumi tufayli kamida 3 kishi jabrlandi. Bu haqda “TASS” xabar bermoqda .

Foto: Reuters

Reuters agentligiga ko‘ra, qo‘riqlash xizmati xodimlari jarohat oldi. Qatar amiri qarindoshi shaxsi oshkor etilmadi, shu bilan birga, uning salomatligiga hech qanday xavf yo‘qligi bildirilmoqda. Qatarlik aslzoda yo‘qolib ketish xavfi ostidagi noyob qush — vixlyayga ov uyushtirish niyatida bo‘lgan.
Mahalliy politsiyaning ta’kidlashicha, mahalliy aholi ularga yangi masjid qurilishi uchun xayriya olish maqsadida yuqori martabali xorijiy mehmon bilan uchrashishga ruxsat berilmaganidan darg‘azab bo‘lgan.
Hodisa yuzasidan jinoiy ish qo‘zg‘atildi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo