Boeing Bishkek yaqiniga qulagan joydagi qidiruv ishlariga 700 ga yaqin kishi jalb etildi

Turkiyaning Boeing 747 samolyoti Bishkekning Manas aeroportiga yaqiniga qulagan joyda 700 ga yaqin kishi qidiruv-qutqaruv ishlariga jalb etilgan, deb yozadi “TASS” Qirg‘iziston favqulodda vaziyatlar vazirligiga tayanib.

Foto: “AKIpress”

“Ayni paytda halokatga uchragan samolyotning ikkinchi qora qutisi qidirilmoqda, bizning xodimlarimiz IIV, shuningdek, boshqa xizmatlar vakillari bilan hamkorlikda hodisa joyida vayronalar uyumlarini tekshirishda davom etmoqda”, — deya aniqlik kiritishdi vazirlikda. Tozalash ishlariga og‘ir maxsus texnika jalb qilingan. 17-yanvar, seshanba kuni ertalab qutqaruvchilar halokatga uchragan havo kemasi ekipajining to‘rtinchi a’zosi jasadini topishga muvaffaq bo‘lgan.
FVV ma’lumotlariga ko‘ra, ayni paytda qurbonlarning oilalariga 31 ta jasad topshirilgan. “Morgda fuqarolarimizdan uch kishining, ekipaj a’zolaridan to‘rt kishining shaxsi aniqlanmagan jasadlari qoldi”, — deyiladi FVV xabarida.
Ma’lumot uchun, 16-yanvar, dushanba kuni tongda Bishkekning “Manas” aeroportidan bir necha kilometr masofada joylashgan “Dacha” qo‘rg‘oniga Turkiyaning MyCargo Airlines aviakompaniyasiga tegishli “Boing 747” yuk samolyoti qulagan edi.
Hodisa oqibatida qo‘rg‘ondagi 32 ta uy vayron bo‘lgan, rasmiy ma’lumotlarga ko‘ra, kamida 31 kishi halok bo‘lgan. 17-yanvar Qirg‘izistonda motam kuni deb e’lon qilingan.
Batafsil | Подробно | Read more... Daryo