Bo‘lajak ovsinlar uchrashuvi: Shahzoda Garri Megan Marklni Keyt Middlton bilan tanishtirdi

Britaniya shahzodasi Garri amerikalik aktrisa Megan Marklni akasining turmush o‘rtog‘i, Kembrij gersoginyasi Ketrin bilan tanishtirdi. Bu haqda The Sun nashri ma’lum qildi, deb yozadi “Gazeta.ru”.

Foto: Getty Images

Nashrning ma’lum qilishicha, uchrashuv Londondagi Kensington saroyida bo‘lib o‘tgan.

Foto: Getty Images

Shuningdek, Markl Garrining hayotidagi yana bir muhim qiz — uning jiyani malika Sharlotta bilan ham suhbatlashganligi ta’kidlanmoqda.

Foto: Getty Images

“Keyt haqiqatan Megan bilan uchrashuvni kutgandi va bu uchrashuv Garri uchun qanchalik muhimligini biladi”, — deydi nashr manbasi. Uning so‘zlariga qaraganda, shahzoda sobiq miss Middlton bilan juda yaqin va do‘stlari haqidagi uning fikrini qadrlaydi.
32 yoshli shahzoda Garri 35 yoshli aktrisa Megan Markl bilan 2016-yildan beri uchrashib keladi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo