BMW, Audi va Mercedes: Eng tezkor Kia’ning asosiy raqobatchilari (fotogalereya)

Detroyt avtosalonida namoyish etilgan Kia Stinger kompaniya tarixidagi eng tezkor model bo‘ldi . Mazkur avtomobil motorshouda namoyish qilingan seriyali mashinalar orasida eng yaxshi dizayn uchun sovrinni qo‘lga kiritdi.
Ammo mukofotga ega bo‘lish mijozlar uchun kurashishdan farq qiladi. Axir Kia Stinger’ning jiddiy raqobatchilari bor. “Motor” nashri eng tezkor Kia’ning raqobatchilari haqida ma’lumot berdi .
Kia Stinger

Foto: “Motor”

Mazkur modelning eng yaxshi varianti 3,3 litrli V6 biturbo motori bilan jihozlangan. Stinger’ning eng tezkor varianti 5,1 soniyada soatiga 100 kilometr tezlashadi.

Foto: “Motor”

Lekin bu safar e’tibor Kia Stinger ’ga emas, uning raqobatchilariga qaratiladi.
Audi S5 Sportback

Foto: “Motor”

Kia Stinger’ning asosiy raqobatchilaridan biri – Audi S5 Sportback xetchbeki. Besh eshikli mashina 354 ot kuchiga ega bo‘lgan, dvigatel hajmi 3 litrga teng 6 silindrli motor bilan jihozlangan.

Foto: “Motor”

Audi S5 Sportback atigi 4,7 soniyada soatiga 100 kilometrgacha tezlashadi. Avtomobilning maksimal tezligi soatiga 250 kilometrni tashkil etadi.
BMW 440i xDrive Gran Coupe

Foto: “Motor”

BMW 440i modeli 326 ot kuchiga teng bo‘lgan 3 litrli turbomotorga ega.

Foto: “Motor”

Mashinaning maksimal tezligi majburiy elektronika tomonidan soatiga 250 kilometr tezlikkacha cheklangan.
Mercedes-AMG C43

Foto: “Motor”

Mercedes-AMG C43 modeli 3 litrli V6 dvigateli bilan jihozlangan. Avtomobil 367 ot kuchiga ega.

Foto: “Motor”

AMG C43 joyidan 4,7 soniyada 100 kilometrgacha tezlikni oladi. BMW 440i singari mazkur mashinaning tezligi ham majburiy elektronika tomonidan soatiga 250 kilometr tezlikkacha cheklangan.
Jaguar XE S

Foto: “Motor”

Kia Stinger’ning britaniyalik raqobatchisi – Jaguar XE S. Ushbu model 340 ot kuchiga ega 3 litrli V6 motori bilan jihozlangan.

Foto: “Motor”

“Yaguar”ning qo‘zg‘alish tezligi nisbatan sekinroq. XE S 5,1 soniyada 100 kilometrgacha tezlikka erisha oladi. Mazkur avtomobilning ham maksimal tezligi soatiga 250 kilometrgacha cheklangan.
Alfa Romeo Giulia

Foto: “Motor”

Stinger’ning Italiyada ham raqobatchisi bor. Bu Alfa Romeo Giulia. Yuqoridagi raqobatchilardan farqli o‘laroq ushbu avtomobil nisbatan kuchsiz.

Foto: “Motor”

Giulia 280 ot kuchiga ega bo‘lgan 2 litrli turbomotor bilan jihozlangan. Mashina 5,2 soniyada soatiga 100 kilometrgacha tezlikka erishadi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo