Shimoliy Koreya BMT Xavfsizlik kengashining mamlakat raketa dasturiga oid rezolyutsiyalarini tan olmasligi ma’lum qilindi

KXDR BMT Xavfsizlik kengashining mamlakat raketa dasturi va sun’iy yo‘ldoshlar uchirilishiga oid rezolyutsiyalarni hech qachon tan olmaydi. Bu haqda Koreya markaziy telegraf agentligining mahalliy nashrlarda chop etilgan sharhida ma’lum qilindi, deya xabar beradi “TASS”.

Foto: Reuters

Pxenyan “Qo‘shma Shtatlar tomonidan tahdid va fitnalarga qarshi turish uchun tiyib turuvchi yadro kuchlarini mustahkamlash choralarini ko‘rishda davom etadi”, deyiladi hujjatda. Agentlik KXDRning qit’alararo ballistik raketa sinovlarini o‘tkazish niyatini tasdiqladi.
Hujjatda Xavfsizlik kengashi KXDRni raketa dasturini amalga oshirayotgani uchun qoralab, boshqa davlatlar, jumladan, AQSh yadro quroli va uni yetkazish vositalarini takomillashtirayotganiga ko‘z yumayotgani “ikki yoqlama standartlar siyosati” deb baholandi.
Batafsil | Подробно | Read more... Daryo