Xitoy kompaniyalari Yevropaning 14 ta klubini o‘zi bilan hisoblashishga majbur etib ulgurdi. Maqsad — yurt futbolini ko‘tarish

Xitoy futbolini cho‘qqiga olib chiqish uchun katta hajmdagi ishlar amalga oshirilmoqda. “Daryo” Guanjoudan 80 kilometr uzoqlikda qad rostlagan Evergrande International Football School akademiyasiga to‘xtalib o‘tgandi . Yaqin orada Xitoyda shu qatori yana bir nechta futbol akademiyalariga asos solinadi.


Dunyodagi eng katta — Evergrande International Football School futbol akademiyasi qanday vujudga keldi?


Savol tug‘iladi, akademiyalardan yetishib chiqadigan futbolchilarning keyingi taqdiri qanday bo‘ladi? Xitoyliklar yana 10 yillardan keyin yulduz futbolchilar uchun million sarflash fikridan yiroq. Bugun ularning yordamida xitoylik bolakaylarning ko‘ngli futbolga mehr bilan to‘ldiriladi, 10 yildan keyin esa o‘sha bolalar futbol akademiyalari yordamida mohir futbolchi bo‘lib yetishadi.
Ularning ayrimlari Xitoy Super ligasini cho‘qqiga ko‘tarish uchun harakat qiladi. Yana-da salohiyatlilari esa Yevropaga yuboriladi. Bunda ular Yevropa jamoalari qachon xitoylik yigitlarga ko‘z tikar ekan deb kutib o‘tirmaydi.
Mamlakatning yirik kompaniyalari va boylari hozirga qadar ko‘hna qit’aning 14 ta klubini o‘zi bilan hisoblashishga majbur eta oldi. Bu klublarning saralari vaqti kelib xitoylik futbolchini zaxira o‘rindig‘I uchun bo‘lsa ham oladi, o‘rtamiyona jamoalarda esa chin o‘lkasidan yetishib chiqqan iqtidorlar asosiy tarkibda to‘p suradi. Bu bilan mamlakat futbolida sifat o‘sadi.
“Championat.asia” nashri Xitoy kompaniyalari bir necha foiz aksiyasini sotib olgan Yevropa klublari nomini keltirib o‘tdi :
“Atletiko” (Ispaniya) — WandaGroup

Foto: Google Images

“Espanyol” (Ispaniya) — RastarGroup

Foto: Google Images

“Granada” (Ispaniya) — Link International Sports Limited

Foto: Google Images

“Inter” (Italiya) — Suning Commerce Group

Foto: Google Images

“Milan” (Italiya) — Europe Sports Investment Management Changxing

Foto: Google Images

“Nitssa” (Fransiya) — Xitoy—AQSh konsorsiumi

Foto: Google Images

“Sosho” (Fransiya) — Ledus

Foto: Google Images

“Lion” (Fransiya) — IDG Capital Partners

Foto: Google Images

“Aston Villa” (Angliya) — Recon Group

Foto: Google Images

“Vulverhempton№ (Angliya) — Fosun

Foto: Google Images

“Manchester Siti” (Angliya) — China Media Capital Holdings

Foto: Google Images

“Vest Bromvich” (Angliya) — Yunyi Guokai Sports Development Limited

Foto: Google Images

“Den Xaag” (Gollandiya) — United Vansen International Sport

Foto: Google Images

“Slaviya” (Chexiya) — China Energy Company Limited

Foto: Google Images

Xitoy milliarderlari va ular boshqarayotgan kompaniyalar shu bilan cheklanib qolmoqchi emas. Oldinda siz-u bizni yana-da hayratlanarli yangiliklar kutib turgan bo‘lsa ajab emas.
Batafsil | Подробно | Read more... Daryo