Burkina-Fasodagi harbiy to‘ntarish yetakchisi qotilliklarda ayblandi

Burkina-Fasodagi amalga oshmagan to‘ntarish yetakchisi Jilber Dendre mamlakat xavfsizligiga tahdid va qotilliklarda ayblanmoqda. Shuningdek, sobiq tashqi ishlar vaziriga ham ayblov qo‘yilgan. Bu haqda “Korrespondent.net” xabar bermoqda .

Foto: AFP

General “tashqi kuchlar bilan til biriktirish”da ham ayblandi. Prokuratura “tashqi kuchlar” deganda kimlarni nazarda tutgani noma’lum.
Eslatib o‘tamiz, Dendre 1-oktabrda rasmiylarga taslim bo‘ldi. Bosh vazir Yoqub Ishoq Zida hukumat general taslim bo‘lsa, hayotini omon saqlab qolishni va’da bergani haqida ma’lum qilgandi. Mazkur to‘ntarish amalga oshganida Burkina-Fasoda mustaqillik e’lon qilingan 1960-yildan beri sodir etilgan yettinchi to‘ntarish bo‘lardi.
Oldinroq hokimiyatdan chetlatilgan Burkina-Fasoning muvaqqat rahbari Mishel Kafando yana prezidentlik vazifasini bajarishga kirishgani hamda mamlakat prokurori general Dendre aktivlarini muzlatib qo‘ygani xabar berilgan edi.



 
Batafsil | Подробно | Read more... Daryo