Rossiya Qurolli kuchlari Bosh shtabi IShIDning Palmira hududidagi hujumi haqida xabar berdi

AQSh rahbarligidagi xalqaro koalitsiyaning Mosul shahri (Iroq) yaqinidagi harakatlari tufayli, IShID jangarilari “deyarli qarshiliksiz” qurol-yarog‘, portlovchi qurilmalar va qo‘shinlarni Palmira tomoniga ko‘chirib o‘tkazmoqda. Bu haqda jurnalistlarga Rossiya Qurolli kuchlari Bosh shtabi Bosh tezkor boshqarmasi boshlig‘i general-leytenant Sergey Rudskoy ma’lum qildi, deb yozadi “TASS”.

Foto: EPA

“AQSh rahbarligidagi koalitsiya guruhining Mosul shahri yaqinidagi harakatlari ko‘p jihatdan IShID kuchlarining Suriya sharqiy qismiga siqib chiqarilishiga olib keldi, ular deyarli qarshiliksiz qurol-yarog‘, portlovchi qurilmalar va o‘z kuchlarini Palmira, Diyor-Az-Zor, shuningdek, Turkiya bilan chegaradosh El Bab shahriga ko‘chirmoqda”, — dedi u.
Rudskoyning so‘zlariga ko‘ra, jangarilar Palmiradagi tarixiy-madaniy yodgorliklarni yo‘q qilish maqsadida ushbu shahardagi portlovchi qurilmalar miqdorini ko‘paytirgan.
Ayni paytda Palmira hududida hukumat qo‘shinlari Rossiya harbiy-kosmik kuchlari ko‘magida IShID jangarilariga qarshi hujum harakatlarini olib bormoqda.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Batafsil | Подробно | Read more... Daryo