Britaniya Oliy sudi Brexit bo‘yicha hukmini 24-yanvarda e’lon qiladi

Britaniya Oliy sudi 24-yanvar kuni bosh vazir Tereza Mey mamlakatning Yevropa Ittifoqidan chiqish jarayonini (Brexit) parlament ma’qullashisiz amalga oshirishi mumkinligiga aniqlik kiritadi. Ushbu masaladagi eshituvlarda 11 nafar sudya ishtirok etadi, deya xabar beradi “Vedomosti”.

Foto: EPA

Tereza Mey 17-yanvar, seshanba kuni Buyuk Britaniyaning tuzilmadan to‘laqonli chiqishini amalga oshirish va Yevropa Ittifoqi bilan yangi munosabatlarni shakllantirish niyatida ekanligini ma’lum qildi.
Yevropa Ittifoqidagi qisman a’zolik, assotsiyalashgan a’zolik yoki muallaq holatda qoldiradigan boshqa holatlar bizni qoniqtirmaydi. Biz mustaqil, yaxlit, o‘zini boshqarishga qodir Britaniya bilan Yevropa Ittifoqidagi do‘stlarimiz o‘rtasida yangi, teng huquqli sheriklikka erishishni istaymiz.
Tereza Mey, Buyuk Britaniya bosh vaziri
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo