Ispaniya kubogi. “Barselona” 10 yil deganda “Real Sosyedad” maydonidan g‘alaba bilan qaytdi

Kataloniyaning “Barselona” klubi Ispaniya kubogi yarim finali uchun birinchi qadamni tashladi. Chorak finalning dastlabki uchrashuvini San-Sebastyanda o‘tkazgan Luis Enrike jamoasi minimal hisobda zafar quchdi.

Foto: Getty Images

Uchrashuvda hisob 21-daqiqaga kelib Neymarning goli bilan ochildi va bu gol uchrashuvda yagonaligini saqlab qoldi. Belgilangan penaltini aniq amalga oshirgan braziliyalik futbolchi, “Barselona”ning 2007-yildan buyon davom etib kelayotgan qora an’anasiga yakun yasab berdi.



“Barselona” 2007-yildan buyon “Real Sosyedad”ni safar o‘yinlarida mag‘lub eta olmasdi. Tomonlarning shu mavsum La liga doirasida bo‘lib o‘tgan o‘yinida ham 1:1 hisobi qayd etilgandi.
Madridning “Atletiko” klubi yarim final masalasini deyarli hal qildi. O‘z maydonida “Eybar”ni qabul qilgan Diyego Simeone jamoasi 3:0 hisobida zafar quchdi. Bir kun muqaddam Madridning boshqa bir klubi “Real” o‘z maydorida “Selta”ga imkoniyatni boy berib qo‘ygandi .
Ispaniya kubogi
1/4 final
19-yanvar, payshanba
“Atletiko” — “Eybar” 3:0
Gollar: Antuan Grizmann, 28 (1:0). Anxel Korrea, 60 (2:0). Kevin Gameyro, 68 (3:0).
“Real Sosyedad” — “Barselona” 0:1
Gol: Neymar, 21 (0:1).
Batafsil | Подробно | Read more... Daryo