Siri ovozli yordamchisi falaj bo‘lib qolgan velosipedchiga tez yordam chaqirib berdi

iPhone uchun mo‘ljallangan Siri ovozli yordamchisi falaj bo‘lib qolgan ekstremal velosipedchi Endryu Choni qutqarib qoldi. Bu haqda Motherboard xabar bergan .

Foto: GoFundMe

Yanvar oyining boshida Cho o‘z tana a’zolarining ishlamay qolayotganini sezgan va tez yordam chaqirishga qaror qilgan. Shifokor kirishi uchun eshikni ochish maqsadida o‘rnidan turgan paytda uchinchi va to‘rtinchi bo‘yin umurtqalari orasida qon aylanishida uzilish yuz bergan. Tanasining bo‘ynidan past qismi falaj bo‘lib qolgan.
Cho yerga yiqilgan. Shu paytda uyda Chodan boshqa hech kim bo‘lmagan va u tez yordamga qo‘ng‘iroq qila olmagan. Uning baxtiga iPhone shundoqqina yuzi oldiga tushgan. U tili yordamida ovozli yordamchi Siri’ni faollashtirish tugmasini bosishga muvaffaq bo‘lgan va undan 911 qutqaruv xizmatiga qo‘ng‘iroq qilishni so‘ragan.
Shifoxonada Cho operatsiya qilindi. Doktorlar uning sog‘ayishga imkoni borligi, biroq katta ehtimol bilan 12 oy davomida falaj bo‘lib qolishini taxmin qilmoqda. Choning do‘stlari uning davolanishi uchun GoFundMe servisi orqali pul yig‘ishni boshlab yubordi. Hozirgacha 101 ming dollar yig‘ildi.

Mavzuga doir:   To‘satdan ulangan Siri dasturi egasining hayotini saqlab qoldi

Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo