Nigeriya armiyasi “Boko Haram”ning 100 ga yaqin jangarisini yo‘q qildi

Nigeriya mudofaa kuchlari “Boko Haram” terrorchilik tashkiloti hujumini qaytarib, 100 dan ortiq jangarini yo‘q qilgani haqida hisobot berdi. Bu haqda “RIA Novosti” xabar bermoqda .

Foto: “RIA Novosti”

Ma’lum bo‘lishicha, “Boko Haram” jangarilari Yobe shtati Goniri manzilgohida joylashgan mudofaa kuchlarining 120-tezkor guruhi harbiy xizmatchilariga hujum qilgan. Hujum natijasida yetti harbiy halok bo‘lgan.
“Terrorchilarning hujumi qaytarildi va ularga qaqshatqich zarba berildi. So‘nggi hisob-kitoblarga ko‘ra, 100 dan ortiq terrorchining jasadi topildi”, — deyiladi Nigeriya Qurolli kuchlarining Facebook’dagi sahifasida qoldirilgan xabarda.
Maxsus operatsiya davomida qo‘lbola portlovchi qurilmalar, o‘qotar qurollar va maxsus liboslar musodara qilingan, terrorchilarning qarorgohi buzib tashlangan.
Nigeriyada diniy aqidaparastlarning “Boko Haram” terrorchilik tashkiloti faol harakat olib boradi. Mazkur guruh mamlakatda yuz berayotgan aksariyat teraktlar uchun javobgardir.
Batafsil | Подробно | Read more... Daryo